Alte Universitätsstraße 19
55116 Mainz – Germany
Tel.: +49/6131 / 3 93 93 60
Transkription Ausfertigungen Inhalt Literatur
1666 IV 19 Garantie des Kurfürsten Friedrich Wilhelm von Brandenburg betr. 1666 IV 18
Brandenburg - Preußen |
Archivportal NRW, Findbuch: http://www.archive.nrw.de/LAV_NRW/jsp/findbuch.jsp?archivNr=1&verzguid=Vz_66b8f5a5-a89d-4b0b-b044-bda9dc8f2f91 |
Seite 1 von 5 | |
Nos Friedericus Wilhelmus Dei Gratia Marchio Bran-
denburgensis, Sacri Romani Imperÿ Archi-Camerarius et Princeps Elector, Prussiæ, Magdeburgi, Juliæ, Cliviæ, Montium, Stettini, Pomeraniæ, Cassubiorum, Vanda-
lorumque, nec non in Silesia, Crosnæ Caronviæque Dux, Burggravius Norimbergensis, Princeps Halberstadÿ, Mindæ et Camini, Comes Marcæ et Ravensbergi, Dominus in Raven-
stein, Lawenburg et Bütow; Notum facimus omnibus ac singulis. ad quorum notitiam hoc Instrumentum unquam perveniet; Postquam Reverendissimus ac Celsissimus Dominus,
Christophorus Bernhardus, Episcopus Monasteriensis, et Administrator Corbejensis, Sacri Romani Imperÿ Princeps, Burggravius Strombergensis et Dominus in Borckelöe,
Nostro etiam consilio et mediatione cum Celsis ac Præpotentibus Uniti Belgÿ Ordinibus Pacem inierit, et à Nobis Pacis initæ solemnem Guarantiam sive assecurationem deside-
raverit, Eidemque illam promiserimus, hisce declaramus Nos Domino Episcopo super ista Pace omnibus ejus articulis non tantum contra ipsos Dominos Ordines, si forte (quod absit)
huic Paci contravenire, sed etiam contra quemcunque qui ob eandem Pacem præfato Domino Episcopo qualescunque hostilitates, injurias vel molestias intulerit, quam primum ea de re à
Domino Episcopo certiores facti et requisiti fuerimus, plenam et sufficientem Guarantiam sive securitatem et indemnitatem præstituros, Eique nostris armis et impensis sine Domini Episcopi
incommodo aut gravamine auxilium laturos, neque cum istis Pacifragis, hostilitates, injurias vel molestias inferentibus tractaturos, multò minùs Pacem nisi cum bene-placito Domini E-
piscopi ac donec ipsi satisfactum sit, inituros, adeò ut quicunque Pacem hanc in ullis suis articulis aut clausulis infregerit, vel Dominum Episcopum contra vel ob hanc Pacem directè vel indi-
rectè et quæsito prætextu hostiliter offenderit, aggressus fuerit, Ejusve fines et Territoria invaserit, vel Subditos Ejus infestaverit sive vexaverit, Nos contra Eum, non obstantibus
quibuscunque foederibus vel pactis arma suscepturos, Eumque ad justam satisfactionem et cautionem de non amplius turbando, quantum licebit, adacturos. Id quod bonâ fide et verbo no-
stro Electorali recipimus ac pollicemur, inque majus robur Instrumentum hoc Guarantiæ propriâ manu subscripsimus, sigilloque nostro Electorali communiri fecimus. Datum Cliviæ 1
Fridericus Wilhelmus Elector
1 Restlicher Text von Falz verdeckt.
Seite 1 von 5 |